Celeste Legaspi, Andrew E, Mon del Rosario pararangalan ng Lifetime Achievement Awards sa 17th Star Awards for Music

ni GLEN P. SIBONGA

BIBIGYANG-PUGAY at pararangalan ng Lifetime Achievement Awards ang tatlo sa pinagpipitagang personalidad at icons sa industriya ng musika sa Pilipinas - sina Celeste Legaspi, Andrew E, at Mon del Rosario - sa gaganaping 17th Star Awards for Music sa Teatrino, Greenhills, San Juan City sa Hunyo 25, 2026.


Ang tatlong music icons ang napagdesisyunan ng mga opisyales at miyembro ng PMPC Star Awards Inc. na gawaran ng espesyal na mga parangal ngayong taon dahil sa marami nilang kontribusyon sa Philippine music industry. Pararangalan sina Celeste Legaspi at Andrew E ng Pilita Corrales Lifetime Achievement awards, habang tatanggapin naman ni Mon del Rosario ang Parangal Levi Celerio Lifetime Achievement Award.


Nauna nang naparangalan ng PMPC si Celeste noong 2011 nang mapabilang siya sa 15 OPM Icons na binigyan ng special awards sa 3rd Star Awards for Music.


Si Andrew E naman ay nanalo ng Rap Album of the Year para sa kanyang "Club Zilla" album sa 2nd Star Awards for Music noong 2010.


Si Celeste ay sikat na singer, artista, at producer sa recording, pelikula at teatro. Anak siya ng National Artist for Visual Arts na si Cesar Legaspi. Kabilang si Celeste sa mga aktibong nagsusulong sa Pinoy music kaya kabilang siya sa mga founder ng Organisasyon ng Pilipinong Mang-aawit (OPM). Bilang isang mang-aawit ang kanyang mga single at album noong 1970s at 1980s ay nagkamit ng gold at platinum status. Kabilang sa mga pinasikat niyang mga awitin ay ang "Saranggola ni Pepe," "Tuliro," "Gaano Ko Ikaw Kamahal," "Minsan Ang Minahal Ay Ako," "Movie Fan," "Waray-waray," at ang trending sa TikTok ngayon na "Mamang Sorbetero."


Nakilala naman bilang isa sa mga pangunahing rapper at hiphop artist ng bansa si Andrew E na sumikat hindi lang bilang recording artist kundi bilang artista rin na ang madalas na titulo ng kanyang mga pelikula ay hango sa kanyang mga hit song gaya na lang ng signature song niyang "Humanap Ka ng Panget," "Wag Kang Gamol," "Andrew Ford Medina," "Alabang Girls," 'Manchirichit," "Ang Boyfriend Kong Gamol," "Ikaw Ang Miss Universe Ng Buhay Ko," "Banyo Queen," at ang patok sa TikTok na "Shoot Shoot."


Samantala, si Mon del Rosario ay isang multi-awarded composer, arranger at record producer. Siya ang nag-compose ng classic hits na "Somewhere In My Past" ni Julie Vega, "Boy" ni Timmy Cruz, "Sino ang Baliw?," "Tamis ng Unang Halik" ni Tina Paner, at ng monster hit na "Isang Linggong Pag-ibig" ni Imelda Papin.


Makakatuwang ng PMPC Star Awards Inc. sa pag-organisa ng 17th Star Awards for Music ang Echo Jham Entertainment Production na pinamumunuan ni Mhae Sarenas. Si Calvin Neria ang magdidirek ng naturang awards night.


Ang Echo Jham ay isa mga kilalang production companies ngayon na nag-oorganisa at nagpo-produce ng mga bigating concerts at events dito sa Pilipinas at sa ibang bansa. Ang Echo Jham ang nag-produce ng matagumpay na 20th anniversary concert ni Nina noong May 9, 2026 sa Newport Performing Arts Theater.


Sa pangunguna ng kasalukuyang Pangulo ng PMPC Star Awards Inc. na si Fernan de Guzman at ng Overall Chairman ng 17th Star Awards for Music na si Mell Navarro, kasama ang mga opisyales at miyembro ng grupo, sinisigurado nilang magiging maganda at maningning ang parating na awards night sa tulong ng Echo Jham.


Celeste Legaspi


Andrew E.


Mon del Rosario

Comments

Post a Comment

Popular posts from this blog

VVINK thankful sa tagumpay ng debut showcase at Tulala single launch

Image
ni GLEN P. SIBONGA PUNO ng pasasalamat ang bagong PPop girl group na VVINK sa malaking tagumpay ng kanilang Debut Showcase at Media Launch kasama na ang launching ng debut single nilang " Tulala " na ginanap sa Club Hype sa Quezon City nitong Huwebes, July 10. Masayang-masaya ang mga miyembro ng VVINK na sina Angelika (leader), Jean (main vocalist), Ayaka (main rapper), Odri (main dancer), at Mariel (all-rounder) at nagpapasalamat sila sa lahat ng mga dumalo at sumuporta sa espesyal na event na ito sa kanilang career. Kaya naman nagpapasalamat sila sa FlipMusic Productions , na humahawak sa kanilang career, sa pangunguna nina CEO Jeli Mateo at Head Producer Jumbo "Bojam" De Belen sa ibinigay sa kanilang tiwala at tulong upang makamit ang tagumpay na ito, na itinuturing nilang "second chance" sa kanilang career. Lahat kasi sila ay sumabak na sa iba't ibang singing contests at talent reality competitions ngunit hindi pa dumating ang big break. Il...
Read more

Beautederm CEO Rhea Tan mamimigay ng libreng gasolina sa 100 delivery riders at tricycle drivers

Image
ni GLEN P. SIBONGA UMIRAL na naman ang kabutihan ng puso at pagiging generous ni Beautederm CEO and founder Rhea Anicoche Tan . Bilang tugon sa hirap na dinaranas ngayon ng ating mga kababayan dahil sa patuloy na pagtaas ng presyo ng gasolina, mamimigay ng libreng gasolina si Ms. Rhea sa 100 delivery riders at tricycle drivers. Sa pamamagitan ng programang “ Byaheng Kalinga, ” kung saan katuwang ng Beautederm Group of Companies at Beautéderm ContriBeaut Foundation ni Ms. Rhea ang Rotary Club of Balibago, na siya ang kasalukuyang Pangulo,100 delivery riders at tricycle drivers ang mabibiyayaan ng libreng full tank gas bilang tulong sa kanilang araw-araw na biyahe. Ang "Byaheng Kalinga" ay bunga ng " Love in Every Bid " project ni Ms. Rhea kung saan ibinenta niya ang kanyang mga personal na mga gamit at designer items upang pondohan ang libreng gasolina para sa mga delivery riders at tricycle drivers. Ayon sa social media post ni Ms. Rhea, nabenta lahat ang kanyang ...
Read more

John Calub marami nang natulungang gumaling dahil sa biohacking; Mga pasyenteng may cancer at malalang sakit may pag-asa pa

Image
ni GLEN P. SIBONGA PAGKATAPOS sumikat at makilala ni John Calub bilang nangungunang success coach sa Pilipinas, maging best-selling author ng Amazon International, at maging in demand motivational speaker, may bago siyang pinagkakaabalahan ngayon - ang biohacking. Si John ngayon ay isa nang matagumpay na biohacker, na marami nang natulungang mga maysakit na gumaling. At hindi lang ito mga simpleng sakit dahil bumuti ang kondisyon ng mga pasyenteng may cancer, diabetis, at iba pang sakit sa pamamagitan ng biohacking protocol na isinasagawa sa kanyang center. Kuwento nga ni John sa kanyang presscon na ginanap sa Madison 101 Hotel noong October 2, marami na ang sumubok at gumaling sa kanyang Biohacking Center. Tulad na lang ng isang breast cancer patient na lumiit ang bukol at tuluyang gumaling matapos ang ilang sessions sa Biohacking Center ni John. Mayroon pa raw isang matanda na noong dumating sa kanyang center ay ilang tao ang bumubuhat dahil hindi na nga makalakad. Pero matapos sum...
Read more