Jennylyn Mercado bagong mukha ng Reverie ng Beautederm; Nagpapasalamat sa patuloy na pagtitiwala at pagmamahal ni Rhea Tan
ni GLEN P. SIBONGA MASAYANG humarap si Beautederm ambassador Jennylyn Mercado kasama si Beautederm CEO and founder Rhea Anicoche Tan sa mga entertainment press at bloggers upang ianunsiyo ang kanilang bagong partnership at collaboration. Si Jennylyn ang napili ni Ms. Rhea bilang bagong mukha ng nagbabalik na produkto ng Beautederm - ang Reverie Air Fabric Freshener . Kaya naman sa media launch na ginanap sa Solaire North noong May 6 ay labis ang pasasalamat ni Jennylyn kay Ms. Rhea dahil sa patuloy na pagtitiwala at pagmamahal nito sa kanya. Unang inendorso ni Jennylyn sa Beautederm ang Cristaux beauty and anti-aging serums. At ngayon nga sa kanyang ikalawang taon ay ang Reverie Air Fabric Freshener na ang kanyang ineendorso. Ayon nga kay Jennylyn, "Ate Rei (palayaw ni Ms. Rhea) maraming salamat sa pangalawang taon ng pagtanggap sa akin. Salamat sa pagmamahal at pag-aalaga sa akin. Napakagaling pong mag-alaga ni Ate Rei talaga. Napakalaki ng pasasalamat ko dahil sa pangalawang t...