Skincare and beauty CEO Rhea Tan proud sa bagong business venture niyang BlancPro at sa endorser nitong si Marian Rivera

June 30, 2023

ni GLEN P. SIBONGA

Bitbit ang tagumpay ng premium beauty and wellness brand na Beautéderm, ipinakilala sa media at merkado ng President at CEO na si Rhea Anicoche-Tan ang bago niyang kompanya na BlancPro.

Bagong player sa beauty industry, ang BlancPro ay sub-brand/affiliate ng Beautéderm at ito ay nag-o-offer ng epektibong skincare products sa mababang halaga na mabibili ng masa. Layunin nito na tulungan ang consumers na mapanatili at ma-improve ang “glow” nila na mayroong tagline na “Glow Like A Pro.”

Naganap ang media launch nitong Huwebes, June 29, sa Luxent Hotel sa Quezon City na sinuportahan ng showbiz media at bloggers.

“BlancPro is tailored to cater to consumers who seek effective yet budget-friendly skincare products. What sets BlancPro apart is its use of quality ingredients, carefully formulated to suit all skin types,” saad ni Ms. Rhea.

Ipinaliwanag ng respetadong negosyante ang commitment ng BlancPro sa inclusivity, simplicity, at affordability. Dito sa bagong empire niya, mayroong mga produkto na sasagot sa skin concerns ng consumers. Ilan sa mga produkto ay ang Milk Body Wash, Sakura Body Scrub, Charcoal Foam, Phyto-Emerald Moisturizing Soap, Sleeping Mask, at ang Jeju White Brightening and Moisturizing Lotion na ineendorso ni Marian Rivera.

Totoong adbokasiya ni Ms. Rhea ang healthy skin, sinamahan pa ng kanyang dedikasyon sa pagbibigay ng serbisyo sa mga tao. Sabi niya, dapat alagaan ang ating mga balat/skin katulad nang pag-aalaga ng endorser nitong si Marian sa kanyang sarili.

"Marian Rivera has been a dear friend for many years. As the official endorser of Beautéderm Home, her effectiveness in representing the brand has been undeniable, leading my team and me to select her as the Face of BlancPro. Marian embodies grace, confidence, and beauty," sabi ng BlancPro CEO.

Pagpapatuloy pa ni Ms. Rhea, “I welcome Marian to BlancPro family. Like our tagline, she really glows like a pro—and glows from within. Through the years, subok ko nang isa siyang totoong kaibigang maaasahan.”

Sagot naman ng Primetime Queen ng GMA, “Ate Rei (Rhea) is an inspiration to everyone—especially to aspiring entrepreneurs. Hangang-hanga talaga ako sa kanya when it comes to business. She is the real deal. She knows what she’s doing and she really knows her consumers. I am forever grateful for her trust and for the trust of her new company. I believe in the products. At mahal na mahal ko si Ate Rei.”

Hinihikayat nina Ms. Rhea at Marian na suriing mabuti ang mga produkto na binibili sa merkado at tiyaking makatutulong ito sa kanilang skincare journey. Sa BlancPro, mura na, effective pa.

Samantala, dumalo rin sa grand launch at mediacon ng BlancPro ang ilang franchisees, store owners, at resellers ng Beautederm na ngayon ay nagbebenta na rin ng BlancPro products.

Para sa iba pang detalye, bisitahin ang:

Facebook: blancproofficial

Instagram: blancproofficial

Tiktok: @blanc_pro

Shopee: Blancpro

Lazada: Blancpro