Pokwang muling maghahain sa 'Kusina ni Mamang' ngayong Marso sa BuKo Channel


ni GLEN P. SIBONGA

Ihanda na ang mga rekados na kakailanganin para sa salu-salo dahil muling magbabalik ngayong Marso ang pinakainaabangang cooking show ni Pokwang sa BuKo Channel na "Kusina ni Mamang."

Kakaiba ang bagong season ngayong taon dahil dadalhin nila ang kanilang viewers sa isang culinary journey kung saan tampok ang mga pagkaing hango sa authentic Filipino cuisine. 

Kasama ang  hosts na sina Mamang Pokwang at DJ Jhai Ho, mapapanood na ulit ang "Kusina ni Mamang" ngayong Sabado, Marso 4, 8pm, sa BuKo Channel via Pay TV sa Cignal at SatLite Ch2, pati na rin sa Cignal Play Live TV at Video-On-Demand. Meron pa itong catch-up airing sa TV5 simula Marso 5, 8am.


Sundan ang nakatutuwang chemistry nina Mamang Pokwang at DJ Jhai Ho habang tinutuklas ang mayamang kultura ng Pilipinas at sinusubukan ang mga kakaibang tradisyonal na pagluluto ng mga Pilipino.


“Natutuwa kami sa pagbabalik ng 'Kusina ni Mamang' dahil napakarami pa naming mas masasarap pa na lulutuin. At syempre, excited din kami sa mga special guest na makakasama naming magluto. Kakaiba rin ang bagong segment namin na sasagutin namin ang requests ng mga letter sender, kaya talagang kaabang-abang ang mga bonggang ihahain namin para sa mga manonood,” pahayag ni Pokwang.


Alamin kung paano mabibigyan nina Mamang Pokwang at DJ Jhai Ho ng modern twist ang mga regional dishes kasama ang mga special guests tulad nina Dimples Romana, Alex Calleja at Israel Buenaobra, Ara Mina, Baby Baste at Mommy She, Clang Garcia, Adrian Alandy at Joselle, Arci Munoz, Kitty at Kakai Almeda, JM De Guzman, Joem Bascon at Meryll Soriano, Karen Davila, Ariel Rivera at Gelli De Belen, at Eugene Domingo na magbabahagi rin ng kanilang sariling cooking styles. 


Isa rin sa bagong pakulo para sa season na ito ay ang letter sender segment kung saan isasadula ni Mamang at kanyang mga guest ang kwentong kusina na ipinadala ng fans ng show.


Huwag palampasin ang mga bagong episodes ng "Kusina ni Mamang" sa BuKo Channel ngayong Marso 4, 8pm, sa Cignal at SatLite Ch 2, pati sa Cignal Play app via Live TV at Video-On-Demand. Meron ding catch-up airing sa TV5 simula Marso 5, 8am. Para sa karagdagang impormasyon, i-follow lamang ang BuKo Channel sa Facebook at Instagram.



Comments

Post a Comment

Popular posts from this blog

SB19 humakot ng mga parangal sa 14th at 15th Star Awards for Music

Image
ni GLEN P. SIBONGA PINATUNAYAN  ng sikat na Pinoy Pop group na SB19 ang kanilang natatanging talento at kahusayan sa musika sa mga nakalipas na mga taon hanggang sa kasalukuyan kaya naman hindi nakapagtatakang humakot sila ng mga parangal sa 14th at 15th Star Awards for Music ng Philippine Movie Press Club (PMPC). Nagwagi ang SB19 sa iba't ibang kategorya sa 14th Star Awards for Music sa pangunguna ng major awards na Song of the Year para sa kanilang awiting "Mapa" at Album of the Year para sa kanilang "Pagsibol" album sa ilalim ng Sony Music Philippines. Nakuha rin ng SB19 ang Duo/Group Artist of the Year, Pop Album of the Year ("Pagsibol"), Dance Recording of the Year ("Bazinga"), Duo/Group Concert of the Year ("Our Zone: SB19 Third Anniversary Concert"), at Music Video Year ("Bazinga"). Nagpatuloy ang panalo ng SB19 sa 15th Star Awards for Music nang magwagi sila ng Music Video of the Year para sa kanilang hit song na
Read more

Beautederm CEO Rhea Tan at Blackman family nag-click sa unang pagtatagpo

Image
ni GLEN P. SIBONGA Masayang-masaya ang Beautéderm founder at president na si Rhea Anicoche Tan nang i-welcome niya ang Blackman family ( Jeraldine and Jette ) sa kanyang 7-storey building sa Angeles City, Pampanga. Mabilis na nagkasundo sina Ms. Rhea at Jeraldine na parehong Ilocano. Si Ms. Rhea ay mula sa Vigan, habang taga-Ifugao naman si Jeraldine. Nakatutuwa ang pagtatagpo ng dalawang babae, na parehong mapagmahal sa pamilya at hindi kinakalimutan ang kanilang pinanggalingan. Sabi ng business magnate sa Filipina influencer, “You are an inspiration especially to women. You are so authentic that’s why people love you. Kapag pinapanood namin ang videos mo, parang kasama mo na rin kami sa iyong journey as a mother and as a career woman.” Sagot naman ni Jeraldine, na binisita ang Beautéderm, Beauté Beanery, A-list Avenue, at sumabak pa sa “Hakot Challenge,” “I admire you as an entrepreneur. You are so successful pero nag-click agad tayo. We’re both hardworking Ilocanas na ginagawa ang
Read more

Nora, Vilma, Sharon, Maricel magsasabong sa 40th Star Awards for Movies

Image
ni GLEN P. SIBONGA KAABANG-ABANG kung sino sa apat na movie queens na magsasabong - sina Star for All Seasons Vilma Santos (When I Met You In Tokyo),  Megastar Sharon Cuneta (Family Of Two), Diamond Star Maricel Soriano (In His Mother's Eyes), at Superstar Nora Aunor (Pieta) - ang tatanghaling Movie Actress of the Year sa 40th Star Awards for Movies ng PMPC. First time mangyayari sa Star Awards for Movies sa loob ng 40 taon ng pagbibigay ng parangal na magkakasabay na nominado para sa Movie Actress of the Year sina Vilma, Sharon, Maricel, at Nora kaya matinding bakbakan ito. O baka naman posibleng masilat pa ang parangal ng iba pang nominadong aktres na kinabibilangan nina Gina Alajar (Monday First Screening), Ai-Ai delas Alas (Litrato), Alessandra De Rossi (What If), Gladys Reyes (Apag), Kathryn Bernardo (A Very Good Girl), at Marian Rivera (Rewind). Maglalaban naman para sa Movie Actor of the Year sina Christopher De Leon (When I Met You In Tokyo), Dingdong Dantes (Rewind), P
Read more