Mas palaban na Alexa Ilacad mapapanood sa "Miss Behave" sa iWant simula ngayong June 3

ni GLEN P. SIBONGA


HANDA na si Alexa Ilacad na ipakita ang kanyang mas palaban at mas matapang na self sa bagong original series na hatid ng iWant, the home of Filipino stories, na "Miss Behave" na mapapanood simula ngayong Miyerkules, Hunyo 3.

Bago ang inaabangang premiere, ginanap kamakailan ang Blue Carpet Premiere nito bilang paunang-silip sa inaabangang iWant original.

Gagampanan ni Alexa ang karakter ni Marla Briones, isang top-achiever student na masisira ang kanyang iniingatang reputasyon matapos kumalat ang kanyang mga pribadong larawan sa campus.

Bibida rin kasama ni Alexa sina Xyriel Manabat, Reign Parani, Andi Abaya, at Rans Rifol na maiipit din sa iskandalong babalot sa kanila sa kahihiyan. Sa kabila ng kanilang pagkakaiba, magsasanib-pwersa sila para maghiganti at puksain ang nagpakalat ng scandal.

Higit naman sa istorya ng paghihiganti ang tema ng serye kundi sumasalamin din sa mga pinagdaraanan ng mga kababaihan sa totoong buhay.

"We made it with so much heart and pure intentions. Inaalay namin ito sa lahat ng kabataan at kababaihan na dumanas sa pinagdaanan ng mga karakter namin. This is for the victims and survivors of such incidents," sabi ni Alexa.

Dagdag naman ng direktor nitong si Ivan Andrew Payawal, "Dapat mapanood ito ng maraming tao kasi bukod sa tema ng aming palabas, it's very relevant now. The issues that we are tackling are happening in real-life. Our show is a safe zone for everybody." 

Kasama rin sa "Miss Behave" sina JC Alcantara, Akira Morishita, Raven Rigor, Zach Castañeda, LA Santos, at Zach Guerrero.

Abangan ang premiere ng "Miss Behave," na mapapanood ang unang episode nang libre ngayong Hunyo 3 sa iWant. Eksklusibong mapapanood ang bagong episodes nito tuwing Miyerkules sa iWant sa pamamagitan ng subscription plans na nagsisimula sa P35 kada buwan sa Pilipinas, USD 12.99 kada buwan sa United States, at USD 4.99 kada buwan para sa iba pang bansa.
I-enjoy at damhin ang panonood ng iba’t ibang kwentong Pinoy sa iWant, ang tahanan ng pinakamalawak na koleksyon ng Filipino feels. I-download ang app at mag-subscribe sa pamamagitan ng Google Play o Apple App Store.
Para sa updates, sundan ang iWant sa Facebook, TikTok, X, Instagram, at YouTube.

Para sa iba pang balita, i-follow ang @ABSCBNPR sa Facebook, X, Instagram, at TikTok, o bisitahin ang corporate.abs-cbn.com/newsroom.








Comments

Post a Comment

Popular posts from this blog

VVINK thankful sa tagumpay ng debut showcase at Tulala single launch

Image
ni GLEN P. SIBONGA PUNO ng pasasalamat ang bagong PPop girl group na VVINK sa malaking tagumpay ng kanilang Debut Showcase at Media Launch kasama na ang launching ng debut single nilang " Tulala " na ginanap sa Club Hype sa Quezon City nitong Huwebes, July 10. Masayang-masaya ang mga miyembro ng VVINK na sina Angelika (leader), Jean (main vocalist), Ayaka (main rapper), Odri (main dancer), at Mariel (all-rounder) at nagpapasalamat sila sa lahat ng mga dumalo at sumuporta sa espesyal na event na ito sa kanilang career. Kaya naman nagpapasalamat sila sa FlipMusic Productions , na humahawak sa kanilang career, sa pangunguna nina CEO Jeli Mateo at Head Producer Jumbo "Bojam" De Belen sa ibinigay sa kanilang tiwala at tulong upang makamit ang tagumpay na ito, na itinuturing nilang "second chance" sa kanilang career. Lahat kasi sila ay sumabak na sa iba't ibang singing contests at talent reality competitions ngunit hindi pa dumating ang big break. Il...
Read more

Beautederm CEO Rhea Tan mamimigay ng libreng gasolina sa 100 delivery riders at tricycle drivers

Image
ni GLEN P. SIBONGA UMIRAL na naman ang kabutihan ng puso at pagiging generous ni Beautederm CEO and founder Rhea Anicoche Tan . Bilang tugon sa hirap na dinaranas ngayon ng ating mga kababayan dahil sa patuloy na pagtaas ng presyo ng gasolina, mamimigay ng libreng gasolina si Ms. Rhea sa 100 delivery riders at tricycle drivers. Sa pamamagitan ng programang “ Byaheng Kalinga, ” kung saan katuwang ng Beautederm Group of Companies at Beautéderm ContriBeaut Foundation ni Ms. Rhea ang Rotary Club of Balibago, na siya ang kasalukuyang Pangulo,100 delivery riders at tricycle drivers ang mabibiyayaan ng libreng full tank gas bilang tulong sa kanilang araw-araw na biyahe. Ang "Byaheng Kalinga" ay bunga ng " Love in Every Bid " project ni Ms. Rhea kung saan ibinenta niya ang kanyang mga personal na mga gamit at designer items upang pondohan ang libreng gasolina para sa mga delivery riders at tricycle drivers. Ayon sa social media post ni Ms. Rhea, nabenta lahat ang kanyang ...
Read more

John Calub marami nang natulungang gumaling dahil sa biohacking; Mga pasyenteng may cancer at malalang sakit may pag-asa pa

Image
ni GLEN P. SIBONGA PAGKATAPOS sumikat at makilala ni John Calub bilang nangungunang success coach sa Pilipinas, maging best-selling author ng Amazon International, at maging in demand motivational speaker, may bago siyang pinagkakaabalahan ngayon - ang biohacking. Si John ngayon ay isa nang matagumpay na biohacker, na marami nang natulungang mga maysakit na gumaling. At hindi lang ito mga simpleng sakit dahil bumuti ang kondisyon ng mga pasyenteng may cancer, diabetis, at iba pang sakit sa pamamagitan ng biohacking protocol na isinasagawa sa kanyang center. Kuwento nga ni John sa kanyang presscon na ginanap sa Madison 101 Hotel noong October 2, marami na ang sumubok at gumaling sa kanyang Biohacking Center. Tulad na lang ng isang breast cancer patient na lumiit ang bukol at tuluyang gumaling matapos ang ilang sessions sa Biohacking Center ni John. Mayroon pa raw isang matanda na noong dumating sa kanyang center ay ilang tao ang bumubuhat dahil hindi na nga makalakad. Pero matapos sum...
Read more