Beautederm CEO Rhea Tan namigay ng libreng gasolina, bigas at sunscreen products sa 200 tricycle drivers at delivery riders

 ni GLEN P. SIBONGA


KAHANGA-HANGA ang kabutihan ng puso at pagmamalasakit ni Beautederm CEO and founder Rhea Anicoche Tan dahil mula sa original na 100 tricycle drivers at delivery riders ay dinoble niya ang bilang ng mga binigyan niya ng libreng gasolina at may kasama pang libreng bigas at sunscreen products noong Marso 28 sa Angeles City, Pampanga.


Hindi naman maitago ang kasiyahan at puno ng pasasalamat ang mga nabiyayaang 200 tricycle drivers at delivery riders dahil malaking tulong ito sa kanila lalo na sa kahirapang dulot ng patuloy na pagtaas ng presyo ng petrolyo kabilang na ang gasolina at diesel.


Mula sa auction ng kanyang mga personal na gamit, pinondohan ni Ms. Rhea ang "Byaheng Kalinga" program katuwang ang Rotary Club of Balibago. Dahil sa tindi ng pila na nagsimula pa noong 11 PM (March 27) sa Beautéderm Headquarters, dinoble ni Ms. Rhea ang benepisyaryo: free full tank gas para sa unang 100, at ₱500 gas vouchers para sa susunod na 100 sa SEAOIL Gas Station sa Sto. Domingo, Angeles City.


Bukod sa gasolina, bawat driver ay tumanggap din ng limang kilong bigas at sunscreen products mula sa Beautederm at Belle Dolls, na makakatulong upang maprotektahan ang balat ng mga driver mula sa sikat ng araw lalo na ngayong summer. 


Nabigyan naman ng special prize na P3,000 cash ang "early bird" o pinakauna sa pila na si Luisito Lucas. May negosyo package din na P5,000 worth of Beautederm products para sa asawa ni Luisito.


Personal na nakipagkumustahan si Ms. Rhea sa mga driver at siya pa mismo ang nagkarga ng gasolina sa sasakyan ng ilang drivers.


Bukod sa Beautederm staff, nakasama at nakatulong din ni Ms. Rhea sa makabuluhang gawaing ito ang kanyang mga anak na sina Kent at Audrey.


Ang "Byaheng Kalinga" ay isa lamang sa maraming charitable projects at program ni Ms. Rhea at ng Beautederm Group of Companies.


Photos courtesy of Mark Sison and Sun Star Pampanga








Comments

Post a Comment

Popular posts from this blog

VVINK thankful sa tagumpay ng debut showcase at Tulala single launch

Image
ni GLEN P. SIBONGA PUNO ng pasasalamat ang bagong PPop girl group na VVINK sa malaking tagumpay ng kanilang Debut Showcase at Media Launch kasama na ang launching ng debut single nilang " Tulala " na ginanap sa Club Hype sa Quezon City nitong Huwebes, July 10. Masayang-masaya ang mga miyembro ng VVINK na sina Angelika (leader), Jean (main vocalist), Ayaka (main rapper), Odri (main dancer), at Mariel (all-rounder) at nagpapasalamat sila sa lahat ng mga dumalo at sumuporta sa espesyal na event na ito sa kanilang career. Kaya naman nagpapasalamat sila sa FlipMusic Productions , na humahawak sa kanilang career, sa pangunguna nina CEO Jeli Mateo at Head Producer Jumbo "Bojam" De Belen sa ibinigay sa kanilang tiwala at tulong upang makamit ang tagumpay na ito, na itinuturing nilang "second chance" sa kanilang career. Lahat kasi sila ay sumabak na sa iba't ibang singing contests at talent reality competitions ngunit hindi pa dumating ang big break. Il...
Read more

John Calub marami nang natulungang gumaling dahil sa biohacking; Mga pasyenteng may cancer at malalang sakit may pag-asa pa

Image
ni GLEN P. SIBONGA PAGKATAPOS sumikat at makilala ni John Calub bilang nangungunang success coach sa Pilipinas, maging best-selling author ng Amazon International, at maging in demand motivational speaker, may bago siyang pinagkakaabalahan ngayon - ang biohacking. Si John ngayon ay isa nang matagumpay na biohacker, na marami nang natulungang mga maysakit na gumaling. At hindi lang ito mga simpleng sakit dahil bumuti ang kondisyon ng mga pasyenteng may cancer, diabetis, at iba pang sakit sa pamamagitan ng biohacking protocol na isinasagawa sa kanyang center. Kuwento nga ni John sa kanyang presscon na ginanap sa Madison 101 Hotel noong October 2, marami na ang sumubok at gumaling sa kanyang Biohacking Center. Tulad na lang ng isang breast cancer patient na lumiit ang bukol at tuluyang gumaling matapos ang ilang sessions sa Biohacking Center ni John. Mayroon pa raw isang matanda na noong dumating sa kanyang center ay ilang tao ang bumubuhat dahil hindi na nga makalakad. Pero matapos sum...
Read more

Rhea Tan dream come true na makasama sina Vice Ganda at Ion Perez sa Beautederm at Belle Dolls family

Image
ni GLEN P. SIBONGA AMINADO si Beautederm and Belle Dolls CEO Rhea Anicoche Tan na dream come true para sa kanya na makasama si Unkabogable Phenomenal Superstar Vice Ganda at real-life partner nitong si Ion Perez sa Beautederm at Belle Dolls family. Ayon kay Ms. Rhea, matagal na silang nag-uusap ni Vice pero recently lang natuloy ang lahat para maging ambassador ang award-winning actor-TV host. At may bonus pa dahil nakasama pa si Ion. Sina Vice at Ion nga ang latest ambassadors at new faces ng Belle Dolls, na affiliate ng Beautederm. Naganap ang launching at contract signing nila sa Solaire North grand ballroom noong November 17. Kuwento pa ni Ms. Rhea, "Pinag-pray namin ito. Nagme-message kami, 'Ano na Achi (Vice)?' Kasi Achi ang tawagan namin. Kasi busy din siya, may mga show pa sa abroad. Tapos sabi ko, bakit paurong nang paurong. Tapos nasaktong birthday ko pa, birth month ko pa. Pag si Lord ang gumawa ng way, the Lord is always on time. Naniniwala tayo sa timing...
Read more