Jojo Mendrez at PMPC sanib-pwersa para sa Star Awards for Movies at TV

ni GLEN P. SIBONGA

BUONG pagmamalaking inihayag ng The Revival King na si Jojo Mendrez ang kanyang kasiyahan sa pakikipag-sanib-pwersa niya sa PMPC Star Awards Inc. bilang bagong producer ng 42nd Star Awards for Movies at 39th Star Awards for Television, na parehong gaganapin ngayong taon.


"I love you, PMPC. Isa itong malaking oportunidad na makatulong sa ating industriya lalo na sa ating mahal na mga kaibigan sa PMPC.


"Matagal na akong nagpo-produce. Masyado akong hands on, metikuloso pagdating sa production. Kaya maganda yung pagsasanib-pwersa ng PMPC at ng aking kompanya para mas maging exciting, mas maging maganda ang gagawin nating PMPC events - ang PMPC Star Awards for Television and for Movies.


"Thank you so much po kay Fernan (de Guzman, President), kay Rodel (Fernando, Vice President), at sa inyong mga taga-PMPC," sabi ni Mendrez sa ginanap na contract signing sa pagitan niya at ng PMPC noong Pebrero 16 sa SuperSam restaurant, Scout Tobias, Quezon City.


Bukod kay Mendrez, present din sa contract signing ang kanyang abugado na si Atty. Pauline Dolor Apostol Advincula, ang PMPC Star Awards Inc. President na si Fernan de Guzman, Vice President Rodel Fernando, kasama ang iba pang PMPC officers na sina Eric Borromeo, Mildred Bacud, Boy Romero, Jimi Escala, Joey Austria, Evelyn Diao, Glen Sibonga, at board members na sina John Fontanilla, Leony Garcia, Melba Llanera, Mell Navarro, Rommel Placente, at Francis Simeon. Sumuporta rin sa event ang staff ni Mendrez at kanyang management team mula sa Artist Circle ni Rams David.


Nagpasalamat naman si PMPC President Fernan de Guzman kay Mendrez sa pagsasanib-pwersang ito.


Ayon kay De Guzman, "Salamat sa pagtitiwala sa amin. Sana maging maganda ang pagsasama natin, simula ito ng maganda nating samahan. Sana maging successful ang lahat."


Si Jojo Mendrez, na bitbit ang titulo bilang The Revival King, bukod sa pagiging bihasa na sa pagpe-perform at pag-awit ay maraming beses na ring nakapag-produce ng mga concert at show ng mga sikat at bigating celebrities katulad na lang nina Sharon Cuneta, Ogie Alcasid, at Pops Fernandez.


Nakilala siya bilang The Revival King dahil hilig niyang gawan ng bagong bersyon at rendition ang popular na mga awitin gaya na lang ng Somewhere In My Past ni Julie Vega.


Sa kasalukuyan may bago siyang revival song na inilabas, ang Valentine, na composed ni Jim Brickman at inawit ni Martina McBride.


Samantala, may mga naiisip ng mga ideya at konsepto si Mendrez para sa 42nd Star Awards for Movies at 39th Star Awards for TV.


"Abangan niyo ang gagawin naming mga pasabog! Sisiguraduhin namin ng PMPC na magiging maganda ito!" ani Mendrez.


Kinikilala ang PMPC Star Awards, Inc. bilang pinakamatagal na samahan ng showbiz media (entertainment editors, mga kolumnista, bloggers, TV and radio hosts), mula nang itinatag ang organisasyon noong 1960’s. Ang inoorganisa nitong Star Awards for Movies, Television, at Music ay kabilang sa mga inaabangang showbiz events at awards night taun-taon.






Comments

Post a Comment

Popular posts from this blog

VVINK thankful sa tagumpay ng debut showcase at Tulala single launch

Image
ni GLEN P. SIBONGA PUNO ng pasasalamat ang bagong PPop girl group na VVINK sa malaking tagumpay ng kanilang Debut Showcase at Media Launch kasama na ang launching ng debut single nilang " Tulala " na ginanap sa Club Hype sa Quezon City nitong Huwebes, July 10. Masayang-masaya ang mga miyembro ng VVINK na sina Angelika (leader), Jean (main vocalist), Ayaka (main rapper), Odri (main dancer), at Mariel (all-rounder) at nagpapasalamat sila sa lahat ng mga dumalo at sumuporta sa espesyal na event na ito sa kanilang career. Kaya naman nagpapasalamat sila sa FlipMusic Productions , na humahawak sa kanilang career, sa pangunguna nina CEO Jeli Mateo at Head Producer Jumbo "Bojam" De Belen sa ibinigay sa kanilang tiwala at tulong upang makamit ang tagumpay na ito, na itinuturing nilang "second chance" sa kanilang career. Lahat kasi sila ay sumabak na sa iba't ibang singing contests at talent reality competitions ngunit hindi pa dumating ang big break. Il...
Read more

John Calub marami nang natulungang gumaling dahil sa biohacking; Mga pasyenteng may cancer at malalang sakit may pag-asa pa

Image
ni GLEN P. SIBONGA PAGKATAPOS sumikat at makilala ni John Calub bilang nangungunang success coach sa Pilipinas, maging best-selling author ng Amazon International, at maging in demand motivational speaker, may bago siyang pinagkakaabalahan ngayon - ang biohacking. Si John ngayon ay isa nang matagumpay na biohacker, na marami nang natulungang mga maysakit na gumaling. At hindi lang ito mga simpleng sakit dahil bumuti ang kondisyon ng mga pasyenteng may cancer, diabetis, at iba pang sakit sa pamamagitan ng biohacking protocol na isinasagawa sa kanyang center. Kuwento nga ni John sa kanyang presscon na ginanap sa Madison 101 Hotel noong October 2, marami na ang sumubok at gumaling sa kanyang Biohacking Center. Tulad na lang ng isang breast cancer patient na lumiit ang bukol at tuluyang gumaling matapos ang ilang sessions sa Biohacking Center ni John. Mayroon pa raw isang matanda na noong dumating sa kanyang center ay ilang tao ang bumubuhat dahil hindi na nga makalakad. Pero matapos sum...
Read more

Rhea Tan dream come true na makasama sina Vice Ganda at Ion Perez sa Beautederm at Belle Dolls family

Image
ni GLEN P. SIBONGA AMINADO si Beautederm and Belle Dolls CEO Rhea Anicoche Tan na dream come true para sa kanya na makasama si Unkabogable Phenomenal Superstar Vice Ganda at real-life partner nitong si Ion Perez sa Beautederm at Belle Dolls family. Ayon kay Ms. Rhea, matagal na silang nag-uusap ni Vice pero recently lang natuloy ang lahat para maging ambassador ang award-winning actor-TV host. At may bonus pa dahil nakasama pa si Ion. Sina Vice at Ion nga ang latest ambassadors at new faces ng Belle Dolls, na affiliate ng Beautederm. Naganap ang launching at contract signing nila sa Solaire North grand ballroom noong November 17. Kuwento pa ni Ms. Rhea, "Pinag-pray namin ito. Nagme-message kami, 'Ano na Achi (Vice)?' Kasi Achi ang tawagan namin. Kasi busy din siya, may mga show pa sa abroad. Tapos sabi ko, bakit paurong nang paurong. Tapos nasaktong birthday ko pa, birth month ko pa. Pag si Lord ang gumawa ng way, the Lord is always on time. Naniniwala tayo sa timing...
Read more