I'mPerfect big winner ng MMFF 2025; Manila's Finest, Call Me Mother, UnMarry humakot din ng awards

ni GLEN P. SIBONGA


GUMAWA ng kasaysayan hindi lang sa Metro Manila Film Festival kundi sa buong industriya ng Pelikulang Pilipino ang "I'mPerfect" na pinagbibidahan ng People with Down Syndrome matapos itong tanghaling Best Picture sa ginanap na MMFF 2025 Gabi ng Parangal.

"People with Down Syndrome, People with Disability, you made history tonight!" pagmamalaki ng "I'mPerfect" executive producer at cast member na si Sylvia Sanchez nang tanggapin nila ang Best Picture award.

Big win ito para sa "I'mPerfect" dahil ito ang kauna-unahang Pinoy movie na pinagbibidahan ng mga artistang may Down Syndrome na nanalo ng Best Picture.

Nagpasalamat naman si "I'mPerfect" director Sigrid Andrea Bernardo kay Sylvia dahil sa tiwalang ibinigay nito para ituloy ang proyekto. Aniya, maraming producers ang nagpakita ng interes nang ialok niya ang pelikula pero natatanging si Sylvia at ang Nathan Studios lang ang sumugal talaga para iprodyus at gawin ang pelikula.

Iniuwi rin ng baguhang aktres with Down Syndrome na si Krystel Go ang Best Actress award para sa mahusay niyang pagganap bilang si Jessica sa "I'mPerfect." Naging emosyonal nga si Krystel sa kanyang speech at sinabing, "Kaya rin naming umarte!"

Hindi rin nagpakabog ang buong cast ng "l'mPerfect" nang parangalan sila ng Best Ensemble Award. Bukod kay Krystel kasama rin sa cast si Earl Amaba, na nominated for Best Actor, at ang talented new actors na tulad nila ay may Down Syndrome rin. Suportado sila ng mga beterano at magagaling na artistang sina Sylvia Sanchez, Lorna Tolentino, Joey Marquez, Tonton Gutierrez, Janice de Belen, Zaijian Jaranilla at marami pang iba.

Humakot din ng awards ang nanalong 2nd Best Picture na "UnMarry" pati na ang 3rd Best Pictures na "Manila's Finest" at "Call Me Mother."

Nakita naman ang mahigpit na yakapan at pagbati sa isa't isa nina Vice Ganda ng "Call Me Mother" at Piolo Pascual ng "Manila's Finest" nang umakyat sa stage para sa 3rd Best Picture Award kasama ang mga producer, direktor at cast ng kanilang mga pelikula.

Directed by Jeffrey Jeturian, na nanalong Best Director, ang "UnMarry" ay produced ng Quantum Films at CineKo Productions. Pinagbibidahan ito nina Angelica Panganiban at Zanjoe Marudo kasama sina Tom Rodriguez na nagwaging Best Supporting Actor, at Zack Sibug na binigyan naman ng Breakthrough Performance award.

Ang "Manila's Finest" ay directed by Raymond Red at produced by MQuest Ventures, Cignal, at Spring Films. Pinagbibidahan ito ni Piolo Pascual kasama sina Enrique Gil, Cedrick Juan, Dylan Menor, Joey Marquez, Ariel Rivera, Rico Blanco, Rica Peralejo, at marami pang iba. Iniuwi ng "Manila's Finest" ang karamihan sa technical awards pati na rin ang Gatpuno J. Villegas Cultural Award na tinanggap ni MQuest Ventures CEO Jane Jimenez Basas.

Pinagbibidahan naman nina Vice Ganda, na nagwaging Best Actor, at Nadine Lustre ang "Call Me Mother" directed by Jun Robles Lana and produced by Star Cinema, The IdeaFirst Company, and Viva Films. Kasama rin sa pelikula si Lucas Andalio, na nanalong Best Child Performer. Nakuha rin ng "Call Me Mother" ang Gender Sensitivity Award.

Isa pa sa naging highlight ng awards night ay ang pagbibigay ng tribute sa yumaong National Artist at Superstar na si Nora Aunor.

Samantala, narito ang buong listahan ng mga nanalo sa MMFF 2025 Gabi ng Parangal:

Best Picture - I'mPerfect

2nd Best Picture - UnMarry

3rd Best Picture - Manila's Finest and Call Me Mother

Best Director - Jeffrey Jeturian (UnMarry)

Best Actor - Vice Ganda (Call Me Mother)

Best Actress - Krystel Go (I'mPerfect)

Best Ensemble Award - I'mPerfect

Breakthrough Performance - Zack Sibug (UnMarry)

Best Supporting Actor - Tom Rodriguez (UnMarry)

Best Supporting Actress - Odette Khan (Bar Boys: After School)

Best Child Performer - Lucas Andalio (Call Me Mother)

Best Screenplay - UnMarry

Best Cinematography - Manila's Finest

Best Original Theme Song - Manila's Finest

Best Sound - Manila's Finest

Best Musical Score - Manila's Finest

Best Editing - UnMarry

Best Production Design - Manila's Finest

Best Visual Effects - Shake, Rattle, and Roll: Evil Origins

Gatpuno J Villegas Cultural Award - Manila's Finest

FPJ Memorial Award - Bar Boys: After School

Gender Sensitivity Award - Call Me Mother

Best Float - Manila's Finest and UnMarry

Montesa Star of the Night (Male) - Will Ashley and Dustin Yu

Montesa Star of the Night (Female) - Bianca De Vera

Best Picture - I'mPerfect

2nd Best Picture - UnMarry

3rd Best Picture - Call Me Mother

3rd Best Picture - Manila's Finest

Best Actor - Vice Ganda

Best Actress - Krystel Go

Best Ensemble Award - I'mPerfect



Comments

Post a Comment

Popular posts from this blog

VVINK thankful sa tagumpay ng debut showcase at Tulala single launch

Image
ni GLEN P. SIBONGA PUNO ng pasasalamat ang bagong PPop girl group na VVINK sa malaking tagumpay ng kanilang Debut Showcase at Media Launch kasama na ang launching ng debut single nilang " Tulala " na ginanap sa Club Hype sa Quezon City nitong Huwebes, July 10. Masayang-masaya ang mga miyembro ng VVINK na sina Angelika (leader), Jean (main vocalist), Ayaka (main rapper), Odri (main dancer), at Mariel (all-rounder) at nagpapasalamat sila sa lahat ng mga dumalo at sumuporta sa espesyal na event na ito sa kanilang career. Kaya naman nagpapasalamat sila sa FlipMusic Productions , na humahawak sa kanilang career, sa pangunguna nina CEO Jeli Mateo at Head Producer Jumbo "Bojam" De Belen sa ibinigay sa kanilang tiwala at tulong upang makamit ang tagumpay na ito, na itinuturing nilang "second chance" sa kanilang career. Lahat kasi sila ay sumabak na sa iba't ibang singing contests at talent reality competitions ngunit hindi pa dumating ang big break. Il...
Read more

John Calub marami nang natulungang gumaling dahil sa biohacking; Mga pasyenteng may cancer at malalang sakit may pag-asa pa

Image
ni GLEN P. SIBONGA PAGKATAPOS sumikat at makilala ni John Calub bilang nangungunang success coach sa Pilipinas, maging best-selling author ng Amazon International, at maging in demand motivational speaker, may bago siyang pinagkakaabalahan ngayon - ang biohacking. Si John ngayon ay isa nang matagumpay na biohacker, na marami nang natulungang mga maysakit na gumaling. At hindi lang ito mga simpleng sakit dahil bumuti ang kondisyon ng mga pasyenteng may cancer, diabetis, at iba pang sakit sa pamamagitan ng biohacking protocol na isinasagawa sa kanyang center. Kuwento nga ni John sa kanyang presscon na ginanap sa Madison 101 Hotel noong October 2, marami na ang sumubok at gumaling sa kanyang Biohacking Center. Tulad na lang ng isang breast cancer patient na lumiit ang bukol at tuluyang gumaling matapos ang ilang sessions sa Biohacking Center ni John. Mayroon pa raw isang matanda na noong dumating sa kanyang center ay ilang tao ang bumubuhat dahil hindi na nga makalakad. Pero matapos sum...
Read more

Rhea Tan dream come true na makasama sina Vice Ganda at Ion Perez sa Beautederm at Belle Dolls family

Image
ni GLEN P. SIBONGA AMINADO si Beautederm and Belle Dolls CEO Rhea Anicoche Tan na dream come true para sa kanya na makasama si Unkabogable Phenomenal Superstar Vice Ganda at real-life partner nitong si Ion Perez sa Beautederm at Belle Dolls family. Ayon kay Ms. Rhea, matagal na silang nag-uusap ni Vice pero recently lang natuloy ang lahat para maging ambassador ang award-winning actor-TV host. At may bonus pa dahil nakasama pa si Ion. Sina Vice at Ion nga ang latest ambassadors at new faces ng Belle Dolls, na affiliate ng Beautederm. Naganap ang launching at contract signing nila sa Solaire North grand ballroom noong November 17. Kuwento pa ni Ms. Rhea, "Pinag-pray namin ito. Nagme-message kami, 'Ano na Achi (Vice)?' Kasi Achi ang tawagan namin. Kasi busy din siya, may mga show pa sa abroad. Tapos sabi ko, bakit paurong nang paurong. Tapos nasaktong birthday ko pa, birth month ko pa. Pag si Lord ang gumawa ng way, the Lord is always on time. Naniniwala tayo sa timing...
Read more