Rhian Ramos happy sa reunion project with JC de Vera at Tom Rodriguez; Pinuri ang 2 leadingmen niya sa "Huwag Mo Kong Iwan"

ni GLEN P. SIBONGA

HAPPY si Rhian Ramos na matapos ang maraming taon ay muli niyang nakatrabaho sina JC de Vera at Tom Rodriguez, ang dalawang leadingmen niya sa pelikulang "Huwag Mo Kong Iwan" directed by Joel Lamangan and produced by Bentria Productions. Inamin din ni Rhian na ito ang first time niyang makatrabaho si Direk Joel.

"I'm very happy to work again with JC and Tom. It's been a long time since nagkatrabaho kami respectively. So, this is our reunion project in some ways. 

"This is also my first time to work with Direk Joel Lamangan. Can you believe na after ng dalawang dekada ngayon ko lang nakatrabaho si Direk Joel. So, please watch it guys. 'Huwag Mo Kong Iwan' is showing in cinemas starting November 27," sabi ni Rhian.

Pinuri rin ni Rhian sina JC at Tom. Aniya, noon pa lang ay hinahangaan na niya ang dalawa bilang magagaling na mga aktor.

"You know what, ito yung first reaction ko noong una kong makatrabaho si JC 18 o 19 years ago. Syempre bago pa lang ako, I'm still learning pa. Hirap pa akong magdesisyon when it comes to doing a scene. Alam mo yun, kung paano mag-react.

"And si JC matagal na siyang magaling e. He's actually one of the first few people in the industry who I really look up to and he inspired me na kailangan kong mag-improve. Parang nakita ko yung level of acting niya and yung professionalism, grabe yung focus niya. And hanggang ngayon ganun pa rin siya.

"Si Tom naman he always had that positive energy, ganun din siya sa set. He makes everyone feel good. Alam mo yun, pag pagod na lahat, binubuhay niya ulit. And we know naman na Tom is also a very good actor.

"I'm just so lucky na I got to work again with the two of them. They are easy to work with. We're all trying our best to give each other our most professional working experience lalo na nandun si Direk Joel. You can't let him down," paliwanag ni Rhian.

Bukod kina Rhian, JC, at Tom, kasama rin sa cast ng "Huwag Mo Kong Iwan" sina Rita Avila, Pinky Amador, Lloyd Samartino, Simon Ibarra, Jim Pebanco, Emilio Garcia, Nella Dizon, King David Arce, Tanya Gomez, Marcus Madrigal, Felixia Crysten, Ricci Jereza-Chan, Panteen Palanca, at Mygz Molino.

Sa ilalim ng Bentria Productions ni sir Benjamin Austria, ang "Huwag Mo Kong Iwan" ay ipalalabas sa mga sinehan nationwide simula sa Nobyembre 27.