Vice Ganda proud sa And The Breadwinner Is - Ipinagpapasalamat kong nakagawa ako ng ganitong obra!

ni GLEN P. SIBONGA

INIHAYAG ni Vice Ganda ang kanyang reaksyon at saloobin sa paglabas ng teaser ng pinagbibidahan niyang pelikulang "And The Breawinner Is," na official entry ng Star Cinema at The IdeaFirst Company sa Metro Manila Film Festival 2024. Sa ilalim ito ng direksyon ng award-winning director na si Jun Robles Lana.

Ayon kay Vice sa kanyang post sa X, "Nanginig ako literal nung nakita ko tong teaser. Di ko na maantay na mapanuod nyo ito ng buo sa sinehan.  Ipinagpapasalamat kong nakagawa ako ng ganitong obra."

Kasunod nito ang series of posts ni Vice sa X bilang tugon sa mga papuring natanggap niya sa social media mula sa iba't ibang netizens base sa lumabas na teaser.

@heyrow : "Super proud of the team behind this film. Already watched the first cut and hindi ako matatakot sabihin: I feel like this will be a very important film in Vice Ganda’s career. Huhuhuhu 😭❤️"

VICE: "Salamat!!! Iba ang Direk Jun Lana! Mapalad ako na nakatrabaho ko sya."

@BShery786 : "Exciting teaser! Ang galing na nakagawa ka ng ganitong obra. Can't wait to see the full movie in theaters! 🎬✨"

VICE: "Ang swerte ko sa wakas nabigyan ako ng ganitong proyekto."

@kowalerts : "NEW ERA OF A VICE GANDA FILM EVERYONE 🥹😭😭😭"

VICE: "Yes! This year Star Cinema together with IdeaFirst is introducing a Vice Ganda new movie era."

@adriandmolina : "Trust me when I say that this film will GET AWARDS! Go bag them, Meme! I missed you, THE QUEEN OF MMFF!"

VICE: "Basta ang sigurado ko lang di ako mapapahiya sa pelikulang ito. Mamahalin at gugustuhin nyong yakapin si Bambi."

@pjalmadro : "ANG GANDAAAAAAAA! 

Meme @vicegandako paiiyakin mo ba kami this Christmas?"

VICE: "Patatawanin ko muna kayo ng malala and then………..bahala na kayo sa mga susunod nyong emosyon."

@itsmejssgalvez : "Ang sakit gagi trailer palang tas MAPA pa yung song🥹 ibang VICE GANDA talaga to so exciteddd kahit alam kong hahagulgol ako dun😫"

VICE: "Grabi din kasi tong MAPA ng SB19 e. Nangtitrigger e! Lalo nyang binigyan ng damdamin bawat eksena."

Ang bongga ni Meme Vice at ang "And The Breadwinner Is," teaser pa lang pero sandamakmak na ang mga papuri.

Kung sabagay Vice Ganda is Vice Ganda no! At talaga namang kaabang-abang ang bagong movie niyang ito lalo pa nga't si Direk Jun Lana ang direktor nito kaya siguradong matino at maganda. Tapos nagsanib-pwersa pa ang Star Cinema at The IdeaFirst Company kaya siguradong blockbuster hit ito.

Ang huhusay pa ng mga kasama ni Vice sa cast na kinabibilangan nina Eugene Domingo, Jhong Hilario, Gladys Reyes, Kokoy de Santos, Maris Racal, Anthony Jennings, Lassy, MC, at marami pang iba.

Ang "And The Breadwinner Is" ay ipalalabas sa mga sinehan nationwide simula sa December 25, 2024 bilang bahagi ng taunang Metro Manila Film Festival.