Ogie Diaz mas pasasayahin ang TV5 afternoons sa bagong quiz talk show na "Quizmosa"

ni GLEN P. SIBONGA

BONGGA naman ng OG chismaster ng industriya at pinagkakatiwalaang source ng juiciest celebrity gossips na si Ogie Diaz dahil sa hatid niyang kasiyahan, intriga, at dagdag kaalaman sa iho-host niyang bagong TV5 variety show na "Quizmosa," ang “chismis with a quiz."

Simula October 21, mas pasasayahin ng Quizmosa ang Hapon Champion block ng TV5. Hatid nito ang iba’t ibang celebrity news trivia challenges na swak na swak sa mga certified marites na gustong maki-chika at maki-quiz!

Ayon nga kay Ogie nang makapanayam namin siya sa presscon ng naturang show, "Itong 'Quizmosa' syempre naiiba ito. May mga games ito na nakikita natin sa iba, pero ito with a twist, ika nga. Para itong talk show at quiz show, pinag-isa namin. From all walks of life yung magiging contestants namin. Syempre meron ding celebrities at personalities.

"Yung iba baka nag-aalala na, 'Ay, hindi naman kami gaanong updated sa showbiz.' Hindi lang naman kasi ito tungkol sa showbiz lang. Meron din tayong general information, tungkol sa current events, at saka sa politics, influencers, yung ganun."

Co-produced ng Cignal1 TV at MQuest Ventures, ang "Quizmosa" ay mapapanood mula Lunes hanggang Sabado, 2:30PM pagkatapos ng "Eat Bulaga." Tampok sa programa ang mga nakaiintrigang insider info sa buhay ng mga artista habang mapapaisip at mapapahula nang todo ang mga contestants. Kaabang-abang ang mga surprise guest appearances, mga matinding chismis, at trivia questions na talagang susubok sa showbiz knowledge at general knowledge ng mga manonood. 

“Quizmosa is the ultimate way for our viewers to test their inner ‘marites’ and ‘tolits’ and have fun while doing it,” pahayag ni Guido R. Zaballero, TV5 President at CEO. “Through this innovative format, Ogie – an exciting addition to the Kapatid family – will undoubtedly elevate and awaken our Kapatids’ afternoon viewing experience.”

Makakasama ni Ogie sa "Quizmosa" ang viral comedian at content creator na si Ton Soriano, ang social media star na si Tita Jegs, at ang heartthrob na si Kid Yambao. Sila ang energetic team na maghahatid ng juiciest showbiz stories with a fresh twist… or quiz!

“We are excited to bring 'Quizmosa' to TV5 because it’s a fresh and unique format that brings together the fun of celebrity gossip and the excitement of a quiz show. And with Ogie Diaz at the helm, we’re sure the show will be full of surprises, laughter, and juicy stories,” dagdag ni Sienna G. Olaso, First Vice President/Head of Channels and Content sa Cignal TV at Head of Special Projects ng MediaQuest Holdings, Inc.

Para sa karagdagang updates, bisitahin ang www.tv5.com.ph at i-follow ang social media pages ng TV5.