Beautederm CEO Rhea Tan ipinakilala si Jeraldine Blackman bilang bagong endorser; Inanunsiyo rin ang partnership with Bb. Pilipinas

ni GLEN P. SIBONGA

MASAYANG ipinakilala ng Beautederm CEO at founder na si Rhea Anicoche Tan ang bagong endorser ng Beautéderm noong May 22 sa Beautederm Headquarters sa Angeles City. Sa naganap na event, si Jeraldine Blackman ang pinangalanang bagong ambassador ng brand.

Sabi ni Ms. Rhea, na nagsimula sa beauty industry noong 2009, makatutulong ang collaboration na ito sa pagpapalawak ng reach ng Beautéderm, dahil na rin sa global influence ni Jeraldine.

“We’re both Ilocanas. We share the same love for family, and we both honor our roots. Jeraldine is an inspiration especially to women. She’s authentic that’s why people love her,” saad ni Ms. Rhea. 

“Jeraldine marks Beautéderm’s 15th anniversary. She’s the perfect influencer to do it. But it’s just the beginning. We will announce more surprises soon as part of this big milestone. We thank our consumers for their loyalty and support,” dagdag pa ng skincare executive.

Inihayag naman ni Jeraldine ang kanyang paghanga sa business magnate, na sumalubong at nag-welcome sa kanya sa 7-storey Beautéderm building.

“I really admire Ate Rhea as an entrepreneur. Look at her. She’s so successful yet so humble. I know her brand is a well-loved brand here in the Philippines, and I am so excited to make content endorsing the three new products.”

“Ate Rhea contacted me and she said she’s been following me for a long time already. I was very surprised. I had no idea that a well-known businesswoman knows me. We kinda like speak the same language. We’re both Ilocanas,” dagdag niya. 

Kwento pa ni Jeraldine, na kasal sa Australian nurse na si Josh Blackman, nagulat siya sa atensyon na nakukuha ng pamilya niya ngayon lalo na sa Pilipinas. Milyun-milyon ang views ng Blackman Family sa TikTok at Instagram. 

Sinabi niya rin sa media interview na gagamitin niya ang kanyang social media accounts para ma-promote ang Beautéderm sa buong mundo. 

Pangunahing ineendorso ni Jeraldine ang Beautéderm products — Cristaux Retinol Serum, Cristaux Zerum Hydra-Beauty, and Cristaux Vitamin C Serum. Available ang mga ito sa Shopee, TikTok, Lazada, at Beautéderm stores nationwide.

Tuwang-tuwa pa si Jeraldine dahil pumunta sa launch niya ang actor-politician at Beautederm ambassador na si Ejay Falcon para i-welcome siya sa Beautederm family.

Kinatuwaan din ng mga dumalo sa event ang cute na cute na anak ni Jeraldine na si Jette.

Samantala, inanunsyo rin ng Beautéderm ang partnership sa Bb. Pilipinas organization bilang official skincare brand ng sikat na beauty pageant.