Lead stars ng "Jackstone 5" nagpapasalamat sa magagandang feedback sa pelikula

ni GLEN P. SIBONGA


MASAYANG-MASAYA ang mga bida ng "Jackstone 5" na sina Eric Quizon, Arnell Ignacio, Jim Pebanco, at Joel Lamangan dahil maraming nanood sa premiere night noong November 25 sa Trinoma Cinema 6 ang naka-appreciate sa pelikula nila base na rin sa mga magagandang feedback at mga papuring natanggap nila.

Ayon nga kay Direk Joel, na siya ring nagdirek ng movie, "Masaya ako na masaya ang mga tao. Habang tumatawa sila, tumatawa rin kami. At least naging successful yung pagpapatawang nais naming gawin."

"Well, una kasi talaga as an actor nakakakaba o nakakatakot na yung ginawa mo ay hindi ma-appreciate ng mga tao. So, nagpapasalamat ako at na-appreciate niyo siya," ani Eric. "Kanina nga kahit ako natatawa sa mga ginagawa namin. Kasi ngayon ko lang din napanood nang buo yung pelikula."

Dagdag pa niya, "So, syempre congratulations kay Direk (Joel) kasi ang ganda ng pagkaka-edit. There's no lull moment. Nakita niyo naman yung rapport, yung chemistry naming magkakaibigan."

Pagbabahagi ni Jim, "Syempre nakakataba ng puso. Actually, hindi naman kami nagpapatawa e. Talagang kung ano yung nilagay sa script, sinunod namin, tapos bahala na kami. So, nagiging organic. Kaya nakakatuwa na maski hindi kami nagpapatawa ay nakakatawa. Maraming-maraming salamat at nagustuhan niyo."

"Ang sarap sa pakiramdam," say naman ni Arnell. "Kasi ngayon lang talaga namin napanood nang buo. Bawat eksena kasi mabilis naming na-shoot kaya hindi namin alam na ganito yung magiging resulta. So, it's the genius of Direk Joel Lamangan na tinahi nang maganda yung mga eksena."

Sayang at hindi nakadalo sa premiere night ang isa pa sa mga bida na si Gardo Versoza, kasi ang galing niya rin sa pelikula.

Ang huhusay nilang lahat pati ang supporting cast na kinabibilangan nina Marcus Madrigal, Elora Españo, Rico Barrera, Jhon Mark Macia, Abed Green, kasama na ang mga batang gumanap bilang younger versions ng limang bida.

Um-attend ako sa premiere night with no expectations dahil gusto ko lang maaliw sa panonood ng movie. Pero more than that ang naibigay sa akin ng "Jackstone 5." Hindi ko nabilang kung ilang beses akong tumawa dahil sa maraming riot na mga eksena. Pero naantig din ang puso ko sa ilang madamdamin mga eksena.

Sumakses ang "Jackstone 5" na aliwin ako at mga nanood sa premiere night dahil wala itong pretensyon at pure entertainment with moral lesson ang hatid nito sa mga manonood.

Ang "Jackstone 5" ay hindi lang pelikula tungkol sa mga bading, istorya ito ng pagkakaibigan at ng mga pamilya, kaya very relatable ito sa makakapanood nito anuman ang sekswalidad.

Pagkatapos mapanood ang pelikula, ngayon ko mas naunawaan at nagets ang sinabi ni Eric sa naunang presscon na ang "Jackstone 5" ay, "More than just a fun movie, may puso siya. Ito iyong klase ng pelikulang kailangan natin para ma-entertain tayo at kahit paano ay magpapagaan sa mga dinaranas natin sa bansa ngayon."

Congratulations, to the whole team of "Jackstone 5!"

Sana panoorin ito ng mga tao dahil hindi masasayang ang ibabayad niyo sa sinehan. Promise!

Produced by Apex Creative Production Inc. with Dennis Evangelista as line producer, ang "Jackstone 5" ay ipalalabas sa mga sinehan nationwide simula sa Disyembre 3.






Comments

Post a Comment

Popular posts from this blog

VVINK thankful sa tagumpay ng debut showcase at Tulala single launch

Image
ni GLEN P. SIBONGA PUNO ng pasasalamat ang bagong PPop girl group na VVINK sa malaking tagumpay ng kanilang Debut Showcase at Media Launch kasama na ang launching ng debut single nilang " Tulala " na ginanap sa Club Hype sa Quezon City nitong Huwebes, July 10. Masayang-masaya ang mga miyembro ng VVINK na sina Angelika (leader), Jean (main vocalist), Ayaka (main rapper), Odri (main dancer), at Mariel (all-rounder) at nagpapasalamat sila sa lahat ng mga dumalo at sumuporta sa espesyal na event na ito sa kanilang career. Kaya naman nagpapasalamat sila sa FlipMusic Productions , na humahawak sa kanilang career, sa pangunguna nina CEO Jeli Mateo at Head Producer Jumbo "Bojam" De Belen sa ibinigay sa kanilang tiwala at tulong upang makamit ang tagumpay na ito, na itinuturing nilang "second chance" sa kanilang career. Lahat kasi sila ay sumabak na sa iba't ibang singing contests at talent reality competitions ngunit hindi pa dumating ang big break. Il...
Read more

John Calub marami nang natulungang gumaling dahil sa biohacking; Mga pasyenteng may cancer at malalang sakit may pag-asa pa

Image
ni GLEN P. SIBONGA PAGKATAPOS sumikat at makilala ni John Calub bilang nangungunang success coach sa Pilipinas, maging best-selling author ng Amazon International, at maging in demand motivational speaker, may bago siyang pinagkakaabalahan ngayon - ang biohacking. Si John ngayon ay isa nang matagumpay na biohacker, na marami nang natulungang mga maysakit na gumaling. At hindi lang ito mga simpleng sakit dahil bumuti ang kondisyon ng mga pasyenteng may cancer, diabetis, at iba pang sakit sa pamamagitan ng biohacking protocol na isinasagawa sa kanyang center. Kuwento nga ni John sa kanyang presscon na ginanap sa Madison 101 Hotel noong October 2, marami na ang sumubok at gumaling sa kanyang Biohacking Center. Tulad na lang ng isang breast cancer patient na lumiit ang bukol at tuluyang gumaling matapos ang ilang sessions sa Biohacking Center ni John. Mayroon pa raw isang matanda na noong dumating sa kanyang center ay ilang tao ang bumubuhat dahil hindi na nga makalakad. Pero matapos sum...
Read more

Rhea Tan dream come true na makasama sina Vice Ganda at Ion Perez sa Beautederm at Belle Dolls family

Image
ni GLEN P. SIBONGA AMINADO si Beautederm and Belle Dolls CEO Rhea Anicoche Tan na dream come true para sa kanya na makasama si Unkabogable Phenomenal Superstar Vice Ganda at real-life partner nitong si Ion Perez sa Beautederm at Belle Dolls family. Ayon kay Ms. Rhea, matagal na silang nag-uusap ni Vice pero recently lang natuloy ang lahat para maging ambassador ang award-winning actor-TV host. At may bonus pa dahil nakasama pa si Ion. Sina Vice at Ion nga ang latest ambassadors at new faces ng Belle Dolls, na affiliate ng Beautederm. Naganap ang launching at contract signing nila sa Solaire North grand ballroom noong November 17. Kuwento pa ni Ms. Rhea, "Pinag-pray namin ito. Nagme-message kami, 'Ano na Achi (Vice)?' Kasi Achi ang tawagan namin. Kasi busy din siya, may mga show pa sa abroad. Tapos sabi ko, bakit paurong nang paurong. Tapos nasaktong birthday ko pa, birth month ko pa. Pag si Lord ang gumawa ng way, the Lord is always on time. Naniniwala tayo sa timing...
Read more