Elijah Alejo kahanga-hanga sa edad 20 may sarili ng perfume business

ni GLEN P. SIBONGA


KAHANGA-HANGA ang Sparkle GMA Artist Center talent na si Elijah Alejo dahil sa batang edad niyang 20 ay isa na siyang negosyante at mayroon na siyang sariling perfume brand, ang Haliya by Elijah Alejo.

Noong Pebrero 8 ay inilunsad na ni Elijah ang Haliya sa F1 Hotel Manila BGC. Excited na humarap sa mga entertainment press at bloggers ang Kapuso actress at sinagot ang mga katanungan tungkol sa kanyang pinasok na business.

"Gusto ko na po talagang magkaroon ng business since I was young. Especially po during 'Primadonnas' era po noong nakaka-earn na ako.

"Naka-instill po sa akin na hindi naman po always may shows, hindi naman po always may ganap sa showbiz. And as a breadwinner, kailangan ko pong makaisip ng ibang ways para makaipon po. Kaya naisip ko po na mag-business. And eto na nga po ang Haliya by Elijah Alejo," sabi ni Elijah.

Inamin pa ng aktres na bago niya napagdesisyunan na pasukin ang perfume business ay naisip niya rin na magkaroon ng funenaria business. Pero hindi ito bet ng mommy niya.

Pinagpilian niya rin ang coffee shop pero kailangan niyang maglabas ng mas malaking investment. Kaya napagpasyahan niya na perfume na lang na kahit maganda ang quality ay mas mababa naman ang investment.

Ang nakabibilib pa kay Elijah ay ang paggamit niya ng Pinoy folklore, mythology, culture and literature lalo na sa pangalan ng kanyang brand na Haliya at sa variants ng perfumes niya na pambabae at panlalaki.

Ang Haliya ay hango sa warrior goddess of the moon sa Philippine mythology. Si Haliya rin ang lumaban sa higanteng ahas na si Bakunawa para protektahan lalo na ang mga kababaihan.

Bagay na bagay kay Elijah ang Haliya sa taglay niyang ganda na parang goddess at tapang sa buhay bilang warrior.

Pinoy na Pinoy rin ang dating ng pangalan ng scents ng kanyang pabango na hango sa Philippine culture and literature. 

Yung scents na pambabae ay Laura (sweet floral fragrance - na favorite niya), Clara (fresh floral-fruity scent), at Blanca (warm, spicy and full of elegance). 

Yung scents na panlalaki ay Simoun (fresh spicy fragrance), Florante (fresh, confident and woody), at Ibarra (invigorating fruity scent).

Long-lasting ang amoy ng mga pabango ni Elijah at very affordable pa ang presyo na P399 para sa maliit na sizes at P699 para sa malalaking sizes.

Congratulations, Elijah sa successful launch ng Haliya by Elijah Alejo! Goodluck sa iyong perfume business! 






Comments

Post a Comment

Popular posts from this blog

SB19 humakot ng mga parangal sa 14th at 15th Star Awards for Music

Image
ni GLEN P. SIBONGA PINATUNAYAN  ng sikat na Pinoy Pop group na SB19 ang kanilang natatanging talento at kahusayan sa musika sa mga nakalipas na mga taon hanggang sa kasalukuyan kaya naman hindi nakapagtatakang humakot sila ng mga parangal sa 14th at 15th Star Awards for Music ng Philippine Movie Press Club (PMPC). Nagwagi ang SB19 sa iba't ibang kategorya sa 14th Star Awards for Music sa pangunguna ng major awards na Song of the Year para sa kanilang awiting "Mapa" at Album of the Year para sa kanilang "Pagsibol" album sa ilalim ng Sony Music Philippines. Nakuha rin ng SB19 ang Duo/Group Artist of the Year, Pop Album of the Year ("Pagsibol"), Dance Recording of the Year ("Bazinga"), Duo/Group Concert of the Year ("Our Zone: SB19 Third Anniversary Concert"), at Music Video Year ("Bazinga"). Nagpatuloy ang panalo ng SB19 sa 15th Star Awards for Music nang magwagi sila ng Music Video of the Year para sa kanilang hit song na...
Read more

Beautederm CEO Rhea Tan at Blackman family nag-click sa unang pagtatagpo

Image
ni GLEN P. SIBONGA Masayang-masaya ang Beautéderm founder at president na si Rhea Anicoche Tan nang i-welcome niya ang Blackman family ( Jeraldine and Jette ) sa kanyang 7-storey building sa Angeles City, Pampanga. Mabilis na nagkasundo sina Ms. Rhea at Jeraldine na parehong Ilocano. Si Ms. Rhea ay mula sa Vigan, habang taga-Ifugao naman si Jeraldine. Nakatutuwa ang pagtatagpo ng dalawang babae, na parehong mapagmahal sa pamilya at hindi kinakalimutan ang kanilang pinanggalingan. Sabi ng business magnate sa Filipina influencer, “You are an inspiration especially to women. You are so authentic that’s why people love you. Kapag pinapanood namin ang videos mo, parang kasama mo na rin kami sa iyong journey as a mother and as a career woman.” Sagot naman ni Jeraldine, na binisita ang Beautéderm, Beauté Beanery, A-list Avenue, at sumabak pa sa “Hakot Challenge,” “I admire you as an entrepreneur. You are so successful pero nag-click agad tayo. We’re both hardworking Ilocanas na ginagawa ang ...
Read more

Nora, Vilma, Sharon, Maricel magsasabong sa 40th Star Awards for Movies

Image
ni GLEN P. SIBONGA KAABANG-ABANG kung sino sa apat na movie queens na magsasabong - sina Star for All Seasons Vilma Santos (When I Met You In Tokyo),  Megastar Sharon Cuneta (Family Of Two), Diamond Star Maricel Soriano (In His Mother's Eyes), at Superstar Nora Aunor (Pieta) - ang tatanghaling Movie Actress of the Year sa 40th Star Awards for Movies ng PMPC. First time mangyayari sa Star Awards for Movies sa loob ng 40 taon ng pagbibigay ng parangal na magkakasabay na nominado para sa Movie Actress of the Year sina Vilma, Sharon, Maricel, at Nora kaya matinding bakbakan ito. O baka naman posibleng masilat pa ang parangal ng iba pang nominadong aktres na kinabibilangan nina Gina Alajar (Monday First Screening), Ai-Ai delas Alas (Litrato), Alessandra De Rossi (What If), Gladys Reyes (Apag), Kathryn Bernardo (A Very Good Girl), at Marian Rivera (Rewind). Maglalaban naman para sa Movie Actor of the Year sina Christopher De Leon (When I Met You In Tokyo), Dingdong Dantes (Rewind), P...
Read more