Sinag Maynila 2024 Best Actress Rebecca Chuaunsu masaya sa tinatamasang tagumpay ng pelikula niyang "Her Locket"

ni GLEN P. SIBONGA


PUNO ng kasiyahan at pasasalamat ang actress-producer na si Rebecca Chuaunsu sa tinatamasang tagumpay ng pelikulang kanyang pinagbibidahan at prinodyus, ang "Her Locket," lalo na nga't humakot ito ng awards sa nakaraang Sinag Maynila 2024.

Iniuwi ni Rebecca ang Best Actress trophy sa Sinag Maynila dahil sa mahusay niyang pagganap bilang si Jewel Ouyang, isang inang nagkasakit ng dementia. Kumakalma lang siya kapag suot niya ang kuwintas niyang may locket. Nagkaroon siya ng malaking koneksyon sa kanyang caregiver na si Teresa na ginampanan ni Elora Españo na nagwaging Best Supporting Actress.

Itinanghal ding Best Film ang pelikula kasama ang iba pang awards:

Best Ensemble 

Best Director 
- J. E. Tiglao 

Best Screenplay
- J. E. Tiglao and Maze Miranda 

Best Cinematography 
- Jag Concepcion 

Best Production Design 
- James Rosendal 

Bago pa ang partisipasyon ng "Her Locket" sa Sinag Maynila ay nakalahok na ito sa iba't ibang international film festivals kung saan nauna nang nagwaging Best Actress si Rebecca sa 2024 Wu Wei International Film Festival sa Taiwan at sa 2023 Festival International du Film Transsaharien de Zagora sa Morocco. 

Bukod sa Pilipinas, Taiwan, at Morocco, ang "Her Locket" ay nakasali na sa Marche Du Film - Festival De Cannes (2023) sa France; London East Asia International Film Festival (2023) sa UK; at 22nd Dhaka International Film Festival (2024) sa Bangladesh. 

Malaking bagay para kay Rebecca na pagkatapos sa ibang bansa ay naipalabas na rin sa Pilipinas ang "Her Locket" sa pamamagitan ng Sinag Maynila 2024 na pinamamahalaan nina Wilson Tieng ng Solar Pictures bilang founder at Direk Brillante Mendoza bilang festival director. Ipinalabas ang pelikula sa piling mga sinehan sa Metro Manila noong September 4-10.

"I'm so happy that finally, after 'Her Locket' has been screened in international film festivals, we have shown it in our homeland, the Philippines and shared it to our kababayans, a film that is inspired by a true story. 

“A tapestry weaving the stories of the director, writer, and storyteller. I'm so grateful to Sinag Maynila organizers for this awesome opportunity. 

"With the Sinag Maynila best actress award that was bestowed to me, I am most humbled and beyond grateful. To God be the glory!" sabi ni Rebecca.

Pag-amin pa ni Rebecca, muntik na niyang ipatigil ang shooting ng pelikula dahil nakasabay nito ang pagkakasakit at pagkaka-ospital ng kanyang asawa. Pero ang mister din niya ang kumumbinsi sa kanya na ituloy ang pelikula dahil alam nitong pangarap ni Rebecca ito.

Ngayon nga ay sunud-sunod ang tinatamasang tagumpay ng "Her Locket."

Nakatakda ring lumahok ang "Her Locket" sa San Diego Film Festival (USA) sa October 2024.







Comments

Post a Comment

Popular posts from this blog

SB19 humakot ng mga parangal sa 14th at 15th Star Awards for Music

Image
ni GLEN P. SIBONGA PINATUNAYAN  ng sikat na Pinoy Pop group na SB19 ang kanilang natatanging talento at kahusayan sa musika sa mga nakalipas na mga taon hanggang sa kasalukuyan kaya naman hindi nakapagtatakang humakot sila ng mga parangal sa 14th at 15th Star Awards for Music ng Philippine Movie Press Club (PMPC). Nagwagi ang SB19 sa iba't ibang kategorya sa 14th Star Awards for Music sa pangunguna ng major awards na Song of the Year para sa kanilang awiting "Mapa" at Album of the Year para sa kanilang "Pagsibol" album sa ilalim ng Sony Music Philippines. Nakuha rin ng SB19 ang Duo/Group Artist of the Year, Pop Album of the Year ("Pagsibol"), Dance Recording of the Year ("Bazinga"), Duo/Group Concert of the Year ("Our Zone: SB19 Third Anniversary Concert"), at Music Video Year ("Bazinga"). Nagpatuloy ang panalo ng SB19 sa 15th Star Awards for Music nang magwagi sila ng Music Video of the Year para sa kanilang hit song na
Read more

Beautederm CEO Rhea Tan at Blackman family nag-click sa unang pagtatagpo

Image
ni GLEN P. SIBONGA Masayang-masaya ang Beautéderm founder at president na si Rhea Anicoche Tan nang i-welcome niya ang Blackman family ( Jeraldine and Jette ) sa kanyang 7-storey building sa Angeles City, Pampanga. Mabilis na nagkasundo sina Ms. Rhea at Jeraldine na parehong Ilocano. Si Ms. Rhea ay mula sa Vigan, habang taga-Ifugao naman si Jeraldine. Nakatutuwa ang pagtatagpo ng dalawang babae, na parehong mapagmahal sa pamilya at hindi kinakalimutan ang kanilang pinanggalingan. Sabi ng business magnate sa Filipina influencer, “You are an inspiration especially to women. You are so authentic that’s why people love you. Kapag pinapanood namin ang videos mo, parang kasama mo na rin kami sa iyong journey as a mother and as a career woman.” Sagot naman ni Jeraldine, na binisita ang Beautéderm, Beauté Beanery, A-list Avenue, at sumabak pa sa “Hakot Challenge,” “I admire you as an entrepreneur. You are so successful pero nag-click agad tayo. We’re both hardworking Ilocanas na ginagawa ang
Read more

Nora, Vilma, Sharon, Maricel magsasabong sa 40th Star Awards for Movies

Image
ni GLEN P. SIBONGA KAABANG-ABANG kung sino sa apat na movie queens na magsasabong - sina Star for All Seasons Vilma Santos (When I Met You In Tokyo),  Megastar Sharon Cuneta (Family Of Two), Diamond Star Maricel Soriano (In His Mother's Eyes), at Superstar Nora Aunor (Pieta) - ang tatanghaling Movie Actress of the Year sa 40th Star Awards for Movies ng PMPC. First time mangyayari sa Star Awards for Movies sa loob ng 40 taon ng pagbibigay ng parangal na magkakasabay na nominado para sa Movie Actress of the Year sina Vilma, Sharon, Maricel, at Nora kaya matinding bakbakan ito. O baka naman posibleng masilat pa ang parangal ng iba pang nominadong aktres na kinabibilangan nina Gina Alajar (Monday First Screening), Ai-Ai delas Alas (Litrato), Alessandra De Rossi (What If), Gladys Reyes (Apag), Kathryn Bernardo (A Very Good Girl), at Marian Rivera (Rewind). Maglalaban naman para sa Movie Actor of the Year sina Christopher De Leon (When I Met You In Tokyo), Dingdong Dantes (Rewind), P
Read more