Kaila Estrada naging emosyonal sa pagpirma ng unang kontrata niya sa ABS-CBN


ni GLEN P. SIBONGA

Pinirmahan ni Kaila Estrada ang kanyang kauna-unahang kontrata sa ABS-CBN, na minarkahan ang isang milestone sa kanyang karera bilang isang rising star, sa Forever Kapamilya contract signing event noong Lunes (Pebrero 19).

Sa kanyang unang contract signing, ipinahayag ni Kaila ang kanyang kaligayahan at pananabik sa pagiging isang ganap na Kapamilya.

“I'm really so grateful and I feel so blessed and I'm very happy and proud to be a Kapamilya and I will always be a Kapamilya for as long as you will have me. Thank you so much for this,” sabi niya.

“Like I said earlier this was really where I wanted my journey in show business to begin and I'm so glad that it will continue. I'm looking forward to more years to come for us as a family. I'm so grateful, I'm so blessed,” dagdag pa niya.

Dumalo sa contract signing sina chairman Mark Lopez, president at CEO Carlo Katigbak, COO for Broadcast Cory Vidanes, Star Magic head at Entertainment Production head Laurenti Dyogi, at CFO Rick Tan Jr. Kasama rin ang managers ni Kaila na sina Jonas Gaffud at Joy Lomibao.

Samantala, naging emosyonal si Kaila matapos marinig ang mga mensahe ng kanyang mga magulang sa kanyang contract signing. 

“I will always be proud of you. I wish you continuous success but as you hold your head up high, also keep your feet on the ground. May contract ka na sa ABS-CBN. Hindi ka na anak ni Janice, ako na ang magiging nanay ni Kaila,” sabi ni Janice.

“Nakakatuwa at nakakataba ng puso dahil lahat ng nakatrabaho ni Kaila na nakatrabaho ko rin, walang ibang sinasabi kung hindi ‘Kuya John, nakatrabaho ko ang anak mo, ang galing!’. Marami na akong naririnig na praises for you. You’re in good hands. Congratulations,” pagbabahagi ni John.

Sa one-on-one interview ni Kaila kay MJ Felipe, pinangalanan niya si Jodi Sta. Maria, Angelica Panganiban, Angel Locsin, Jericho Rosales, at Piolo Pascual bilang mga artistang gusto niyang makatrabaho para sa mga future project. Bukas rin umano siyang magkaroon ng loveteam, ngunit iginiit na masaya siyang magtrabaho bilang solo artist.

Napapanood si Kaila sa Kapamilya primetime teleseryes na "Can't Buy Me Love" at "Linlang: The Teleserye Version."

Upang mapanood ang buong “Forever Kapamilya” contract signing ni Kaila Estrada, pumunta sa Facebook page ng Star Magic o bisitahin ang YouTube channel ng ABS-CBN Entertainment.






Comments

Post a Comment

Popular posts from this blog

SB19 humakot ng mga parangal sa 14th at 15th Star Awards for Music

Image
ni GLEN P. SIBONGA PINATUNAYAN  ng sikat na Pinoy Pop group na SB19 ang kanilang natatanging talento at kahusayan sa musika sa mga nakalipas na mga taon hanggang sa kasalukuyan kaya naman hindi nakapagtatakang humakot sila ng mga parangal sa 14th at 15th Star Awards for Music ng Philippine Movie Press Club (PMPC). Nagwagi ang SB19 sa iba't ibang kategorya sa 14th Star Awards for Music sa pangunguna ng major awards na Song of the Year para sa kanilang awiting "Mapa" at Album of the Year para sa kanilang "Pagsibol" album sa ilalim ng Sony Music Philippines. Nakuha rin ng SB19 ang Duo/Group Artist of the Year, Pop Album of the Year ("Pagsibol"), Dance Recording of the Year ("Bazinga"), Duo/Group Concert of the Year ("Our Zone: SB19 Third Anniversary Concert"), at Music Video Year ("Bazinga"). Nagpatuloy ang panalo ng SB19 sa 15th Star Awards for Music nang magwagi sila ng Music Video of the Year para sa kanilang hit song na
Read more

Beautederm CEO Rhea Tan at Blackman family nag-click sa unang pagtatagpo

Image
ni GLEN P. SIBONGA Masayang-masaya ang Beautéderm founder at president na si Rhea Anicoche Tan nang i-welcome niya ang Blackman family ( Jeraldine and Jette ) sa kanyang 7-storey building sa Angeles City, Pampanga. Mabilis na nagkasundo sina Ms. Rhea at Jeraldine na parehong Ilocano. Si Ms. Rhea ay mula sa Vigan, habang taga-Ifugao naman si Jeraldine. Nakatutuwa ang pagtatagpo ng dalawang babae, na parehong mapagmahal sa pamilya at hindi kinakalimutan ang kanilang pinanggalingan. Sabi ng business magnate sa Filipina influencer, “You are an inspiration especially to women. You are so authentic that’s why people love you. Kapag pinapanood namin ang videos mo, parang kasama mo na rin kami sa iyong journey as a mother and as a career woman.” Sagot naman ni Jeraldine, na binisita ang Beautéderm, Beauté Beanery, A-list Avenue, at sumabak pa sa “Hakot Challenge,” “I admire you as an entrepreneur. You are so successful pero nag-click agad tayo. We’re both hardworking Ilocanas na ginagawa ang
Read more

Nora, Vilma, Sharon, Maricel magsasabong sa 40th Star Awards for Movies

Image
ni GLEN P. SIBONGA KAABANG-ABANG kung sino sa apat na movie queens na magsasabong - sina Star for All Seasons Vilma Santos (When I Met You In Tokyo),  Megastar Sharon Cuneta (Family Of Two), Diamond Star Maricel Soriano (In His Mother's Eyes), at Superstar Nora Aunor (Pieta) - ang tatanghaling Movie Actress of the Year sa 40th Star Awards for Movies ng PMPC. First time mangyayari sa Star Awards for Movies sa loob ng 40 taon ng pagbibigay ng parangal na magkakasabay na nominado para sa Movie Actress of the Year sina Vilma, Sharon, Maricel, at Nora kaya matinding bakbakan ito. O baka naman posibleng masilat pa ang parangal ng iba pang nominadong aktres na kinabibilangan nina Gina Alajar (Monday First Screening), Ai-Ai delas Alas (Litrato), Alessandra De Rossi (What If), Gladys Reyes (Apag), Kathryn Bernardo (A Very Good Girl), at Marian Rivera (Rewind). Maglalaban naman para sa Movie Actor of the Year sina Christopher De Leon (When I Met You In Tokyo), Dingdong Dantes (Rewind), P
Read more