Isko Moreno tumayong inducting officer sa oathtaking ng bagong halal na mga opisyales ng PMPC

ni GLEN P. SIBONGA


NANUMPA na sa tungkulin ang bagong halal na mga opisyales ng PMPC Star Awards, Inc. nitong Martes, Enero 28, sa Adriatico Arms Hotel sa J. Nakpil, Malate, Manila.

Tumayong inducting officer sa PMPC oathtaking ang dating alkalde ng Maynila at aktor sa pelikula at telebsiyon na si Francisco "Isko Moreno" Domagoso, na kilala rin sa tawag na Yorme.

Pinangungunahan ang 2025 PMPC officers and board members ng newly-elected President na si Mell Navarro.

Ang iba pang bagong opisyal ng PMPC na nanumpa sa tungkulin ay sina Fernan de Guzman, vice president; Jimi Escala, secretary; Mildred Bacud, asst. secretary; Boy Romero, treasurer; John Fontanilla,  asst. treasurer; Rodel Fernando, auditor; Eric Borromeo at Blessie Cirera bilang mga PRO .

Nanumpa rin ang bagong Board of Directors na sina Roldan Castro, Evelyn Diao, Leony Garcia, Rommel Gonzales, Rommel Placente, at Francis Simeon.  

Nagbigay ng pananalita at pagbati si Yorme sa mga nahalal na bagong opisyal ng PMPC, kasabay ng pangako niyang pagsuporta sa mga adhikain ng samahan.

Gayundin, iginiit ni Moreno ang hangarin niyang matulungan ang PMPC sa pagsasagawa nito ng Star Awards for Movies, Music at Television.  

Kaya nga binanggit niya na nakahanda siyang gawing sentro ng mga awards night ang Metropolitan Theater sa lungsod ng Maynila, sakaling makabalik siya sa kanyang tungkulin sa siyudad, kasama ang bise alkalde niyang si Chie Atienza, na present din sa oathtaking.

Kinikilala ang PMPC Star Awards, Inc. bilang pinakamatagal na samahan ng showbiz media (entertainment editors, mga kolumnista, bloggers, TV and radio hosts), mula nung itinatag ang organisasyon noong 1960’s.

Sa panahon ng panunungkulan ni Pangulong Mell Navarro, sisikapin niya kasama ang mga opisyales at miyembro ng PMPC na pag-ibayuhin pa ang antas ng lokal na pamamayahag ng industriya ng entertainment, para sa kapakinabangan ng lahat, lalo na para sa maayos na samahan at kapakanan ng buong PMPC.

Comments

Post a Comment

Popular posts from this blog

SB19 humakot ng mga parangal sa 14th at 15th Star Awards for Music

Image
ni GLEN P. SIBONGA PINATUNAYAN  ng sikat na Pinoy Pop group na SB19 ang kanilang natatanging talento at kahusayan sa musika sa mga nakalipas na mga taon hanggang sa kasalukuyan kaya naman hindi nakapagtatakang humakot sila ng mga parangal sa 14th at 15th Star Awards for Music ng Philippine Movie Press Club (PMPC). Nagwagi ang SB19 sa iba't ibang kategorya sa 14th Star Awards for Music sa pangunguna ng major awards na Song of the Year para sa kanilang awiting "Mapa" at Album of the Year para sa kanilang "Pagsibol" album sa ilalim ng Sony Music Philippines. Nakuha rin ng SB19 ang Duo/Group Artist of the Year, Pop Album of the Year ("Pagsibol"), Dance Recording of the Year ("Bazinga"), Duo/Group Concert of the Year ("Our Zone: SB19 Third Anniversary Concert"), at Music Video Year ("Bazinga"). Nagpatuloy ang panalo ng SB19 sa 15th Star Awards for Music nang magwagi sila ng Music Video of the Year para sa kanilang hit song na...
Read more

Beautederm CEO Rhea Tan at Blackman family nag-click sa unang pagtatagpo

Image
ni GLEN P. SIBONGA Masayang-masaya ang Beautéderm founder at president na si Rhea Anicoche Tan nang i-welcome niya ang Blackman family ( Jeraldine and Jette ) sa kanyang 7-storey building sa Angeles City, Pampanga. Mabilis na nagkasundo sina Ms. Rhea at Jeraldine na parehong Ilocano. Si Ms. Rhea ay mula sa Vigan, habang taga-Ifugao naman si Jeraldine. Nakatutuwa ang pagtatagpo ng dalawang babae, na parehong mapagmahal sa pamilya at hindi kinakalimutan ang kanilang pinanggalingan. Sabi ng business magnate sa Filipina influencer, “You are an inspiration especially to women. You are so authentic that’s why people love you. Kapag pinapanood namin ang videos mo, parang kasama mo na rin kami sa iyong journey as a mother and as a career woman.” Sagot naman ni Jeraldine, na binisita ang Beautéderm, Beauté Beanery, A-list Avenue, at sumabak pa sa “Hakot Challenge,” “I admire you as an entrepreneur. You are so successful pero nag-click agad tayo. We’re both hardworking Ilocanas na ginagawa ang ...
Read more

Nora, Vilma, Sharon, Maricel magsasabong sa 40th Star Awards for Movies

Image
ni GLEN P. SIBONGA KAABANG-ABANG kung sino sa apat na movie queens na magsasabong - sina Star for All Seasons Vilma Santos (When I Met You In Tokyo),  Megastar Sharon Cuneta (Family Of Two), Diamond Star Maricel Soriano (In His Mother's Eyes), at Superstar Nora Aunor (Pieta) - ang tatanghaling Movie Actress of the Year sa 40th Star Awards for Movies ng PMPC. First time mangyayari sa Star Awards for Movies sa loob ng 40 taon ng pagbibigay ng parangal na magkakasabay na nominado para sa Movie Actress of the Year sina Vilma, Sharon, Maricel, at Nora kaya matinding bakbakan ito. O baka naman posibleng masilat pa ang parangal ng iba pang nominadong aktres na kinabibilangan nina Gina Alajar (Monday First Screening), Ai-Ai delas Alas (Litrato), Alessandra De Rossi (What If), Gladys Reyes (Apag), Kathryn Bernardo (A Very Good Girl), at Marian Rivera (Rewind). Maglalaban naman para sa Movie Actor of the Year sina Christopher De Leon (When I Met You In Tokyo), Dingdong Dantes (Rewind), P...
Read more