Vice Ganda sa pelikula with Direk Jun Lana: "Isa ito sa pinakamalalaking highlights ng movie career ko!"

ni GLEN P. SIBONGA


Pasabog ang announcement ni Unkabogable Star Vice Ganda sa "It's Showtime" nitong tanghali, April 19, kaugnay sa kanyang pagbabalik-pelikula sa "And The Breadwinner Is..." na ididirehe ng award-winning director na si Jun Robles Lana. 

Ang naturang pelikula ay co-production ng Star Cinema at The IdeaFirst Company nina Direk Jun at Direk Perci Intalan.

Ayon nga kay Vice sa pagsasanib-pwersa nila ni Direk Jun, "Magkakaroon ako ng pelikula na kasama si Direk Jun Luna, ididirek ako ni Jun Lana at sila ang magsusulat ng pelikula ko. Napakasuwerte ko. Kaya madlang people, this is it -- new movie alert. Your mother will be mothering again sa mga sinehan. Magbabalik-pelikula po tayo para magbigay ng unkabogability sa buong society."

Para kay Vice, isa ito sa pinakamalalaking highlights ng kanyang movie career.

"Ang saya ko lang talaga. Highlight ito ng career ko this year. Hindi lang this year, highlight ito ng filmmaking... ng movie career ko. Isa ito sa pinakamalalaking highlights. From Direk Wenn (Deramas) tapos ngayon na kay Direk Jun Lana na ako. Ang sarap lang sa pakiramdam!" ani Vice.

Inihayag naman ni Direk Jun kung ano ang dapat abangan sa pelikula nila ni Vice.

"Palagay ko maraming mga manonood ang makaka-relate dito. At lahat nang inaasahan niyo sa isang pelikula ni Vice Ganda, 'yung saya at 'yung riot na comedy, hindi lang namin basta ibibigay kung hindi hihigitan pa namin," sabi ni Direk Jun.

Makakasama ni Vice sa pelikula ang kanyang "It's Showtime" co-host at kaibigang si Jhong Hilario, na nagpasalamat sa Unkabogable Star.

"Ang tagal ko ng walang pelikula at 'yung teleserye parang 'Probinsyano' pa ang huli so na-miss ko ang acting at thank you dahil isinama mo ako. Sobrang excited, sobrang excited. So thank you," pasalamat ni Jhong kay Vice.

Wala pa silang sinabing definite date kung kailan ito mapapanood sa mga sinehan pero sinigurado ni Vice na ngayong taon ito ipalalabas.

Ang huling pelikulang nagawa ni Vice ay ang 2022 Metro Manila Film Festival entry niyang "Partners in Crime" with Kapamilya actress Ivana Alawi.






Comments

Post a Comment

Popular posts from this blog

SB19 humakot ng mga parangal sa 14th at 15th Star Awards for Music

Image
ni GLEN P. SIBONGA PINATUNAYAN  ng sikat na Pinoy Pop group na SB19 ang kanilang natatanging talento at kahusayan sa musika sa mga nakalipas na mga taon hanggang sa kasalukuyan kaya naman hindi nakapagtatakang humakot sila ng mga parangal sa 14th at 15th Star Awards for Music ng Philippine Movie Press Club (PMPC). Nagwagi ang SB19 sa iba't ibang kategorya sa 14th Star Awards for Music sa pangunguna ng major awards na Song of the Year para sa kanilang awiting "Mapa" at Album of the Year para sa kanilang "Pagsibol" album sa ilalim ng Sony Music Philippines. Nakuha rin ng SB19 ang Duo/Group Artist of the Year, Pop Album of the Year ("Pagsibol"), Dance Recording of the Year ("Bazinga"), Duo/Group Concert of the Year ("Our Zone: SB19 Third Anniversary Concert"), at Music Video Year ("Bazinga"). Nagpatuloy ang panalo ng SB19 sa 15th Star Awards for Music nang magwagi sila ng Music Video of the Year para sa kanilang hit song na
Read more

Beautederm CEO Rhea Tan at Blackman family nag-click sa unang pagtatagpo

Image
ni GLEN P. SIBONGA Masayang-masaya ang Beautéderm founder at president na si Rhea Anicoche Tan nang i-welcome niya ang Blackman family ( Jeraldine and Jette ) sa kanyang 7-storey building sa Angeles City, Pampanga. Mabilis na nagkasundo sina Ms. Rhea at Jeraldine na parehong Ilocano. Si Ms. Rhea ay mula sa Vigan, habang taga-Ifugao naman si Jeraldine. Nakatutuwa ang pagtatagpo ng dalawang babae, na parehong mapagmahal sa pamilya at hindi kinakalimutan ang kanilang pinanggalingan. Sabi ng business magnate sa Filipina influencer, “You are an inspiration especially to women. You are so authentic that’s why people love you. Kapag pinapanood namin ang videos mo, parang kasama mo na rin kami sa iyong journey as a mother and as a career woman.” Sagot naman ni Jeraldine, na binisita ang Beautéderm, Beauté Beanery, A-list Avenue, at sumabak pa sa “Hakot Challenge,” “I admire you as an entrepreneur. You are so successful pero nag-click agad tayo. We’re both hardworking Ilocanas na ginagawa ang
Read more

Nora, Vilma, Sharon, Maricel magsasabong sa 40th Star Awards for Movies

Image
ni GLEN P. SIBONGA KAABANG-ABANG kung sino sa apat na movie queens na magsasabong - sina Star for All Seasons Vilma Santos (When I Met You In Tokyo),  Megastar Sharon Cuneta (Family Of Two), Diamond Star Maricel Soriano (In His Mother's Eyes), at Superstar Nora Aunor (Pieta) - ang tatanghaling Movie Actress of the Year sa 40th Star Awards for Movies ng PMPC. First time mangyayari sa Star Awards for Movies sa loob ng 40 taon ng pagbibigay ng parangal na magkakasabay na nominado para sa Movie Actress of the Year sina Vilma, Sharon, Maricel, at Nora kaya matinding bakbakan ito. O baka naman posibleng masilat pa ang parangal ng iba pang nominadong aktres na kinabibilangan nina Gina Alajar (Monday First Screening), Ai-Ai delas Alas (Litrato), Alessandra De Rossi (What If), Gladys Reyes (Apag), Kathryn Bernardo (A Very Good Girl), at Marian Rivera (Rewind). Maglalaban naman para sa Movie Actor of the Year sina Christopher De Leon (When I Met You In Tokyo), Dingdong Dantes (Rewind), P
Read more